احمد حلمي وعلّام وكتاب 28 حرف .. وانا

قرأت كتاب ( 28 حرف ) بتاع احمد حلمي
وندمت اني قرأته
كل الكتاب كلام فاضي
كأنك قاعد تسمع لواحد رغاي بيقول اي كلام
اي هبل في الجبل
انا كنت واخد مقلب كبير في احمد حلمي ده
من زمان عارف انه كاتب كتاب وكنت بقول اكيد الواد ده مثقف عشان كدا بيلبس نضاره
هههههههههههههه
وانا صغير كنت بقرأ قصص فلاش وكان فيها شخصيه لذيذه كدا
كان شخص مش مثقف بس كان بيدّعي انه مثقف
كان اسمه علّام وكان بيلبس نضاره زي بتاعة احمد حلمي كدا :)
وكل ما حد يسئله عن اي حاجه كان بيفتي
وكنت بحس في اوقات ان علّام ده هو اللي مبوخ قصص فلاش
لكن بعدين اتعودت عليه وبقيت بحبه كمان
لكن علام كان ليه دور كبير في القصص
لان وجوده في القصة بيعلمنا اننا منفتيش في اي حاجه من غير علم
لكن احمد حلمي بقي
مفيد في ايـه ؟
ما علينا
المهم اني قلتلكم علشان متخدوش مقلب في احمد حلمي
وعلشان ماتضيعوش وقت في قراءة كتابه وبعدين تندموا زيي
.. تحياتي :)
سيد